Տպել
Ղազախստանի նախագահ Նուրսուլթան Նազարբաևը հավանություն է տվել լատինական գրաֆիկայի հիման վրա ղազախական այբուբենի նախագծի:
Պետության ղեկավարը համապատասխան հրամանագիրը պատրաստելու հանձնարարություն է տվել նախագահի վարչակազմի ղեկավար Ադիլբեկ Ջաքսիբեկովի և նրա առաջին տեղակալ Մարատ Տաժինի հետ կայացած հանդիպմանը: Նազարբաևը նշել է, որ այբուբենի վերջին առաջարկված տարբերակն ակտիվորեն քննարկվել է և ստացել հասարակության աջակցությունը:
«Հանձնաժողովն ավարտել է իր աշխատանքը: Վերջին տարբերակը հրապարակված է: Փոխհամաձայնություն կա գիտնականների, լեզվաբանների, քաղաքական գործիչների, երատասարդության, Ղազախստանի ժողովրդի վեհաժողովի ներկայացուցիչների միջև»,-ասել է Ղազախստանի նախագահը: Նա նաև ընդգծել է լատինական գրաֆիկային փուլ առ փուլ և համակարգված անցնելու կարևորությունը, հաղորդել է ՌԻԱ Նովոստին:
