Տպել
Christie՚s-ի աճուրդում առաջին անգամ 432 հազար դոլարով վաճառվել է արհեստական ինտելեկտի կողմից ստեղծված նկարը: Աճուրդը կայացել է Նյու Յորքում: Սկզբնապես նկարը գնահատվել էր 7-10 հազար դոլար: «Էդմոնդ Բեդամիի դիմանկարը» կոչվող կտավն ստեղծվել է Փարիզի Obvious կոլեկտիվի կողմից, տեղեկացնում է BBC-ին:
Դրա ստեղծման համար պահանջվել է հատուկ ալգորիթմի մշակում, որն ուսումնասիրել է XIV և XX դարերի միջև նկարված դիմանկարները: Համակարգիչն իր գործը պատմական օրինակների հետ է համեմատել այնքան ժամանակ, մինչև որ չի կարողացել ոչ մի տարբերություն գտնել դրանց միջև:
Սա խոշոր աճուրդային տան կողմից այն նկարի առաջին վաճառքն է, որը նկարվել է արհեստական ինտելեկտի միջոցով:
«Արհեստական ինտելեկտն արվեստի ստեղծագործությունների շուկայի վրա ազդեցություն կգործի նաև ապագայում, թեև դեռևս պարզ չէ, թե որքան նշանակալի կլինի այդ ազդեցությունը»,- ասել է Ռիչարդ Լլոյդը Chrisitie՚s-ից, որն էլ կազմակերպել էր այդ վաճառքը:
