Տպել
Երևանի քաղաքապետարանը փողոցային առևտրով զբաղվող քաղաքացիներին ուղղորդում է մայրաքաղաքի շուկաներ: Երևանի քաղաքապետարանի մամուլի խոսնակ Հակոբ Կարապետյանը «Ֆեյսբուք»-ի իր էջում գրառում է կատարել, որում նշել է, որ Երևանի բոլոր վարչական շրջաններում մանրածախ առեւտրի կետերը՝ շուկաները առանձնացված են, դրանցից շատերը որոշ ժամանակ կհատկացվեն անվճար. Անհրաժեշտության դեպքում քաղաքապետարանը պատրաստ է նոր վայրեր առանձնացնել:
«Առևտրով զբաղվող մեր քաղաքացիները կարող են վստահ լինել, որ բոլորի համար հավասար պայմաններ են լինելու և իրենց բիզնեսը տեղափոխությունից չի տուժելու, փոխարենը շահելու է քաղաքը:
Խնդրում ենք բոլոր-բոլորի՝ լրատվամիջոցների, գերատեսչությունների, քաղաքացիների աջակցությունը փողոցային առևտրից ազատվելու հարցում»,- գրել է Կարապետյանը:
