Տպել
Ամերիկյան Ֆորտ Լոդերդեյլ քաղաքում փոքր ինքնաթիռը բախվել է բազմահարկ բնակելի շենքի, ինչի հետևանքով մեկ մարդ է զոհվել:
Ինչպես հայտնում է miami.cbslocal.com կայքը, ինքնաթիռը մխրճվել է շենքի 16-րդ և 17-րդ հարկերի արանքում:
Փրկարարական ծառայության ներկայացուցչի խոսքով՝ միջադեպի հետևանքով զոհվել է օդաչուն:
Տասնութհարկանի շինության բնակիչները պատմել են, որ շատ բարձր աղմուկ են լսել:
«Մենք նկատեցինք, որ ինքնաթիռը ցածր էր թռչում ու ցնցվում էր, վայրկյաններ անց այն կործանվեց»,-պատմել է բնակիչներից մեկը:
Ընդհանուր առմամբ, շենքից տարհանվել է մոտ հարյուր մարդ:
