Ռուսաստանում Կալինինգրադի մարզպետի մամլո խոսնակ է նշանակվել մարզի կառավարության ղեկավարի կինը

Կալինինգրադի շրջանի մարզպետ Անտոն Ալիխանովի մամլո խոսնակ է նշանակվել Վալերիա Ռոդինան՝ Կալինինգրադի մարզի կառավարության ղեկավար Ալեքսեյ Ռոդինի կինը:

Ինչպես պարզաբանում է «Клопс» կալինինգրադյան պորտալը, ամուսինը տեղեկացրել է մարզի հակակոռուպցիոն խորհուրդ, հնարավոր շահերի բախման մասին:

Ռոդինը լրագրողներին հայտարարել է, որ մամլո խոսնակի գործունեությունը կարգավորում է միայն մարզպետը, և հետևաբար, չի խախտվում Դաշնայի օրենքի 1 մասի 5 կետի 16 հոդվածը (պաշտոնատար մերձավորների, հարազատների առկայության դեպքում պաշտոնական դիրք գրավելու մասին օրենքը):

Վալերիա Ռոդինան (Տուչկովան) 32 տարեկան է: Ավարտել է Պետերբուրգի Պետական համալսարանի լրագրության բաժինը, ապա՝ Պետերբուրգի Մենեջմենթի միջազգային ինստիտուտը:

Իբրև լրագրող կարճաժամկետ աշխատել է իբրև Պետերբուրգի «Виктория» թերթի խմբագիր:

Կալինինգրադ մեկնելուց առաջ աշխատել է որպես ՌԴ Արդյունաբերության նախարար Վիկտոր Եվտուխովի մամլո քարտուղար:

REGNUM-ը հավելում է, որ Կալինինգրադի մարզի մամլո ծառայությունը աշխատում է իր հունով, և այն ղեկավարում է Լարիսա Պոլյակովան:

regnum.ru

Հրապարակման պատրաստեց Պողոս Վարժապետյանը