Տպել
Գերմանական ECMrecords ընկերությունը թողարկել է Հայաստանի կոմպոզիտորների միության անդամ, կոմպոզիտոր, ՀՀ ժողովրդական արտիստ Տիգրան Մանսուրյանի «Ռեքվիեմի» ձայնասկավառակը: Ստեղծագործությունը նվիրված է Հայոց ցեղասպանության զոհերի հիշատակին:
Ռեքվիեմը կատարում են Մյունխենի կամերային նվագախումբը և Բեռլինի RIAS երգչախումբը, դիրիժոր՝ Ալեքսանդր Լիբրայխ:
Տ․Մանսուրյանի խոսքով՝ այս ստեղծագործության վրա աշխատել է շուրջ 10 տարի. «Միացրել եմ լատինական լեզուն եւ բնիկ հայկական երգեցողությունը, որով ներկայացրել եմ հայ ժողովրդի համընդհանուր ցավը, ինչպես նաեւ ընտանիքիս պատմությունը»:
