Տպել
Ավստրալիայի ազգային ծովային թանգարանի հնագետները հայտնաբերել են HMS Endeavour նավի խորտակման վայրը․ նավի հրամանատարը բրիտանացի հետազոտող կապիտան Ջեյմս Քուկն է եղել։ Այդ վայրը գտնվում է ԱՄՆ Ռոդ-Այլենդ նահանգի Գոթ կղզու մերձակայքում՝ տեղեկացնում է The Age-ն։
Մասնագետների կարծիքով՝ նավի բեկորների հստակ ճանաչումը հնարավոր կլինի միայն ստորջրյա պեղումներից հետո, որ ծրագրվում է անցկացնել հաջորդ տարի։ Հնագետները չգիտեն, թե ինչ է մնացել ավելի քան 200 տարի ջրի տակ մնացած նավից։
Ռոդ Այլենդի իշխանությունները հայտարարել են, որ ավստրալացի պաշտոնյաները ստիպված կլինեն բանակցություններ վարել՝ նավի բեկորները Ավստրալիա տեղափոխելու համար։
