Տպել
Առաջարկում եմ հընթացս մտածել Ազգային ժողովի պատգամավորների համար ևս վեթինգի ինստիտուտի ներդրման անհրաժեշտությունը։ Վեթինգը (ատեստացիա, background check) կրկնակի կարևոր է այսօր։
Նախ, այդպիսի նախաձեռնությունից հետո հասարակությունը և առաջին հերթին դատական համակարգը կհասկանա, որ Վեթինգի մասին օրենք ընդունող մարմինն ինքը պատրաստ է վեթինգի ենթարկվել և բացահայտել իր բոլոր կապերը նախկին քրեաօլիգարխիկ համակարգի մաս կազմող իշխանավորների և առընչությունները քրեական աշխարհի հետ։
Այսպիսով կստացվի, որ վեթինգ նախաձեռնող մարմինը՝ ԱԺ-ն, դատական իշխանությանը վեթինգ իրականացնելու մանդատ տալուց առաջ ոչ միայն ինքն է պատրաստ անցնել վեթինգի, այլև վեթինգ իրականացնող մարմնին է առաջարկում/հորդորում վեթինգի ենթարկվել։
Վեթինգի ինստիտուտի ներդրումը կարևոր եմ համարում նաև հետագայում պատգամավորության թեկնածու գրանցվելուց առաջ որպես պարտադիր քայլ-պահանջ ինստիտուցիոնալ/օրենսդրորեն ամրագրումը։
ԱԺ պատգամավոր Արման Բաբաջանյանի ֆեյսբուքյան էջից:
