![](https://blog.168.am/wp-content/uploads/2018/10/aleksandr_kokorin_byl_arestovan_na_dva_mesjaca_15392811881205688558.jpg)
Ռուսական «Կրասնոդարի» կիսապաշտպան Պավել Մամաևը և «Զենիթի» հարձակվող Ալեքսանդր Կոկորինը ձերբակալվել են երկու ամսով:
Այս մասին հայտնում է «Championat»-ը: Ֆուտբոլիստների հետ կապված հայտնի միջադեպի արդյունքումձերբակալվել է նաև Կոկորինի եղբայրը` Կիրիլ Կոկորինը:
Հիշեցնենք, որ հոկտեմբերի 8-ին Կոկորինը և Մամաևը Մոսկվայում ծեծել են ռուսական Առաջին ալիքի հաղորդավարուհի Օլգա Ուշակովայի վարորդին, ով գանգուղեղի վնասվածքներով տեղափոխվել է հիվանդանոց:
Այդ ծեծկռտուքից հետո ֆուտբոլիստները սրճարանում հարձակվել են Ռուսաստանի արդյունաբերության և առևտրի նախարարության ներկայացուցիչ Դենիս Պակի և Սերգեյ Գայսինի վրա: