Տպել
ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրում է. «Ասել ու կրկնում եմ՝ հեղափոխական իշխանության առաջին քայլը պետք է լինի իր իշխանության ամրապնդումը՝ բացառելով հների ռևանշի և ակնհայտ ու քողարկված սաբոտաժների հնարավորությունները: Միաժամանակ շտապ կարգուկանոն հաստատելով երկրում: Այնինչ առ այսօր երկրում տիրում է բարդակը՝ ով ինչ ուզում է՝ անում է և սա օգտագործվում է նախկին իշխանության ներկայացուցիչների կողմից նոր իշխանությանը վարկաբեկելու համար, վերջինիս սխալ քայլերին և գործելակերպին զուգահեռ:
Բարդակային երևույթը նույնիսկ չի շրջանցում պաշտպանության նախարարությանը, ինչը երևաց զորակոչի նորմալ ընթացքին խանգարելու դիպվածում, երբ որոշ թվով լկտի տականքների ոհմակը, զոռով կանգնեցրել էր զորակոչիկներով լցված ավտոբուսը, ծեծում ու հայհոյում էր նրանց ուղեկցող ՊՆ ներկայացուցչին և վարորդին:
Եվ ի՞նչ, պարզվում է, որ ռազմական ոստիկանությունը այդ ոհմակից ընդամենը երկուսին է բռնել, նկարահանել տեսաերիզով, հեռուստացույցով ցուցադրել նրանց արարքը «զղջումի» խոսքերը և… ոչ մի խոսք, թե ինչ է սպասում նրանց:
Այնինչ դա շատ կարևոր է, որ մյուսների համար դաս լինի և իսպառ բացառի այն երևութը, երբ այդ «լավ տղերքը» խմբերով ուղեկցում են զորկոչվածների ավտոբուսներին երբեմն նույնիսկ մինչև նրանց ծառայության վայրը: Պետք է այդ ցուցադրական «սրտացավ» տղերքի ուղեղին հասցնել, որ իրենք գործ ունեն բանակի հետ և ոչ թե հոգևորականի նման փորձել բավարարվել նրանց մեղքերի թողությամբ»:
Ասել ու կրկնում եմ՝ հեղափոխական իշխանության առաջին քայլը պետք է լինի իր իշխանության ամրապնդումը՝ բացառելով հների ռեւանշի…
Gepostet von Yerjanik Abgaryan am Sonntag, 13. Januar 2019
