Տպել
Սամանթա Ֆրիգոն Մեծ Բրիտանիայից նիհարել է 32 կիլոգրամով, թեև շարունակել է ուտել պիցա և մակարոն։
Ինչպես ներկայացնում է The Sun պարբերականը, Սամանթան մենեջեր էր փաբում, և քանի որ ուտելիքը նրա համար անվճար էր, ճաշում և ընթրում էր աշխատավայրում, հիմնականում ֆասթ ֆուդ էր ուտում։ Ջուր գրեթե չէր խմում և բանջարեղեն ու մրգեր էլ չէր ուտում։ Արդյունքում՝ նրա քաշն ավելացավ՝ հասնելով 92 կիլոգրամի։
Նա մշտապես վատ տրամադրություն ուներ և հոգնածություն էր զգում, անգամ եթե շատ էր քնում։
Մի անգամ Սամանթան հասկացավ, որ ինչ-որ բան փոխել է պետք։ Նա փոխեց սննդակարգն ու ընտրեց դիետա, որը թույլ էր տալիս ուտել պիցա և մակարոն գրեթե ամեն օր, բայց որը տեղավորվում էր կալորիաների որոշակի սահմանափակման մեջ։ Միևնույն ժամանակ, նա սկսեց զբաղվել սպորտով և հաճախել մարզադահլիճ շաբաթը 5 անգամ։
Սամանթան նաև կրճատեց գազավորված ըմպելիքների օգտագործումը, նվազեցրեց չափաբաժիններն ու գրեթե լիովին սննդաբաժնից հանեց ֆասթ ֆուդը։ Առաջին օրերին, նրա խոսքով, հեշտ չէր, բայց արդեն մեկ շաբաթ անց նա իրեն շատ ավելի առույգ էր զգում, և դա ոգեշնչեց նրան այդուհետ ևս պահել նման սննդակարգը և վարել ակտիվ կյանք։
Ինն ամսում Սամանթան նիհարեց 32 կիլոգրամ։ Այժմ նա շարունակում է պահել դիետան և զբաղվել սպորտով։
