Տպել
Միացյալ Նահանգների Ցինցինատի քաղաքի կենդանաբանական այգու աշխատողները տեսագրել են Ֆիոնա գետաձիուկի առաջին քայլերը, որը ծնվել է հունվարի վերջին և արդեն դարձել է սոցիալական ցանցերի օգտատերերի սիրեցյալը:
Կենդանաբանական այգու պաշտոնական օգտահաշվում նշված է, որ Ֆիոնան ծնվել է ժամկետից վեց շաբաթ շուտ, ուստի նա հատուկ խնամք է պահանջում: Անասնաբույժները կենդանուն հսկում են շուրջօրյա: Ֆիոնայի վիճակն աստիճանաբար բարելավվում է, նա արդեն ավելի շատ է ուտում և սկսել է քաշ հավաքել, հաղորդել է ՌԻԱ Նովոստին:
