Տպել
Մարդկանց մոտ, ովքեր տառապել են երկարատև COVID-19-ով ուղեղում փոփոխություններ են նկատվում, որոնք տարբերվում են ամբողջությամբ ապաքինված COVID-19 հիվանդների ուղեղից, հայտնում է նոր ուսումնասիրությունը, հայտնում է UPI-ն։
COVID-19-ը երկարատև COVID-ով հիվանդ մարդկանց ուղեղի տարբեր շրջաններում առաջացրել է միկրոսկոպիկ կառուցվածքային փոփոխությունների հատուկ օրինաչափություն, տարեկան հանդիպման ժամանակ հայտնել են Հյուսիսային Ամերիկայի Ռադիոլոգիական ընկերության (RSNA) հետազոտողները:
«Մեր տեղեկություններով, սա առաջին հետազոտությունն է, որը համեմատում է երկարատև COVID-19-ով հիվանդներին մի խմբի հետ, որը չի ունեցել COVID-19-ի պատմություն, և այն խմբի հետ, որն ունեցել է COVID-19 վարակ, բայց սուբյեկտիվորեն չի տուժել», – ասաց Ֆրայբուրգի համալսարանական հիվանդանոցում (Գերմանիա) նեյրոռադիոլոգիայի օրդինատոր, առաջատար հետազոտող դոկտոր Ալեքսանդր Ռաուն:
Հետազոտողների գնահատականներով՝ COVID-19 վարակով հիվանդների 10%-ից 25%-ի մոտ, ի վերջո, երկարատև COVID-19 վարակ է զարգանում:
Ըստ Քլիվլենդի կլինիկայի՝ կորոնավիրուսի երկար ընթացքը ներառում է տարբեր ախտանիշների հավաքածու, որոնք կարող են պահպանվել շաբաթներ, ամիսներ կամ նույնիսկ տարիներ այն բանից հետո, երբ մարդը հաղթահարում է սկզբնական հիվանդությունը:
Ախտանիշները կարող են ներառել «ուղեղում մշուշ», հոգնածություն, հոդերի և մկանների ցավ, շնչառության շեղում, ստամոքս-աղիքային խանգարումներ, սրտի արագ բաբախյուն և հոտառության և համի փոփոխություններ:
Այս հետազոտության համար գիտնակաները սկանավորել են մասնակիցների ուղեղը՝ օգտագործելով նոր ՄՌՏ տեխնիկա, որը վերլուծում է ջրի մոլեկուլների շարժումը հյուսվածքներում:
Հետազոտողները չեն հայտնաբերել ուղեղի ծավալի կորուստ կամ վնաս, որը կարող է բացատրել COVID-ի երկարաժամկետ ախտանիշները:
Սակայն, նրանք ուղեղի տարբեր հատվածներում փոքր փոփոխություններ են հայտնաբերել, որոնք տարբերվում էին երկարատև COVID-19-ով հիվանդների և լիովին ապաքինվածների միջև, ցույց են տալիս հետազոտության արդյունքները:
Մասնավորապես, նրանք կապ են գտել այս միկրոկառուցվածքային փոփոխությունների և ուղեղի ցանցերի միջև, որոնք կապված են «ուղեղի մշուշի», հոգնածության և հոտի կորստի ախտանիշների հետ:
