Ադրբեջանում անչափահաս աղջիկ է ինքնասպան եղել

Ադրբեջանի Սամուխի շրջանում 16 տարեկան աղջիկ է ինքնասպան եղել: Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:

Սամուխի բնակչուհի 2001-ին ծնված  Էլաքբարովա Բիլլու Էլման գըզըն  հրացանից  կրակելու միջոցով ինքնասպան է եղել:

Ինքնասպանության պատճառները դեռևս հայտնի չեն:

Հարուցվել է քրեական գործ, դեպքի արթիվ հետաքննություն է ընթանում:

Ադրբեջանցի հոգեբանների կարծիքով`  Ադրբեջանում ինքնասպանության դիմողներին չպետք է դիտել որպես թույլ անձանց, քանի որ ինքնասպանության դիմողների 85 տոկոսը հոգեպես առողջ մարդիկ են: Ինքնասպանություններն Ադրբեջանում ավելի շատ տեղի են ունենում նյութական դժվարությունների պատճառով, որոնք տնտեսական ճգնաժամի ֆոնին ավելի են խորացել:

Այդ երկրում ինքնասպանությունների պաշտոնական վիճակագրություն չի անցկացվում:

Ադրբեջանական ԶԼՄ-ների տվյալներով` 2017-ին այդ երկրում արդեն 45 ինքնասպանության դեպք է տեղի ունեցել, որից 7-ը կին, 5-ը` անչափահաս են եղել:

2017-ին Ադրբեջանում գրանցվել է  ինքնասպանության փորձի 12 դեպք:

Ադրբեջանական ԶԼՄ-ների համաձայն` 2017 թվականի սկզբից մինչև այժմ երկրում մայրասպանության 1, հայրասպանության 1, հարազատների միմյանց սպանության 4, ամուսինների միմյանց սպանության 2, զավակի սպանության 5 դեպք է տեղի ունեցել: