Տպել
«Հրապարակ» թերթը գրում է. «Ուրբաթ օրը Բժշկական համալսարանի ռեկտոր Արմեն Մուրադյանն այցելել է «Հերացի» թիվ 1 հիվանդանոց՝ շրջայցի: Կլինիկայի աշխատակից Աստղիկ Թադեւոսյանի բաժնում՝ համակարգչի վրա ռեկտորը փոշի է նկատել, մատով ցուցադրաբար մաքրել է համակարգչի էկրանը եւ տեղում կարգադրել հեռացնել նրան աշխատանքից:
Մուրադյանին մի կերպ են հանգստացրել՝ տեղեկացնելով, որ տիկնոջ որդիներից մեկը ծառայում է Արցախի բանակում, իսկ մյուսը ապրիլյան պատերազմի մասնակիցներից է:
Համալսարանում ծանր են տանում, որ ռեկտորը մի կողմից աջակցում է վիրավոր զինվորներին, անգամ վերջերս նոր նախաձեռնությամբ է հանդես եկել՝ Թերլեմեզյանի ուսանողները բացիկներ են ձեւավորում եւ վաճառքից ստացած հասույթը տրամադրում են զինվորների բուժմանը, մյուս կողմից չնչին առիթով վիրավորել է եւ պատրաստվում է ազատել զինվորի մորը»:
Առավել մանրամասն՝ թերթի այսօրվա համարում:
