Տպել
Երևանի քաղաքապետարանի ենթակայության երաժշտական և արվեստի դպրոցները, ինչպես նաև «Երևան» փողային նվագախումբն ու Յուրի Բախշյանի անվան մանկական ֆիլհարմոնիան համալրվել են երաժշտական նոր գործիքներով: Մշակութային կրթօջախներում իրականացված նորոգման աշխատնքներից հետո համայնքային ենթակայության երաժշտական ու արվեստի դպրոցների՝ նոր գործիքներով համալրմա ն աննախադեպ ծրագիրը, քաղաքապետի խոստմանը համաձայն, իր շարունակությունն ունեցավ նաև 2017-ին: Մայրաքաղաքի երաժշտական կրթօջախներին հանձնվել է փողային, լարային և հարվածային 176 նոր գործիք, այդ թվում` ազգային նվագարաններ: Այս մասին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:
Քաղաքապետարանի ճեմասրահում կազմակերպված գործիքների հանձնման հանդիսավոր արարողությանը ներկա է գտնվել Երևանի քաղաքապետ Տարոն Մարգարյանը: Շնորհավորելով սաներին և մանկավարժական համակազմերին՝ քաղաքապետը հատկանշել է, որ մշակույթի ոլորտի խնդրիները քաղաքապետարանի մշտական ուշադրության տակ են:
«Այսօր մշակութային հաստատություններում կրթվող նոր սերնդի համար մեր պարտքն է ապահովել անհրաժեշտ պայմաններ: Երևանի քաղաքապետարանի նախաձեռնությամբ վերջին տարիների ընթացքում նորոգվեցին մայրաքաղաքի երաժշտական ու արվեստի դպրոցները, ինչպես նաև մշակութային մյուս կրթօջախները: Ծրագիր, որին, ի դեպ, շատերը թերահավատորեն էին վերաբերում: Մեր հաջորդ քայլը երաժշտական նոր գործիքների տրամադրումն էր: Այս ուղղությամբ նախորդ տարի տրված աշխատանքների մեկնարկը, ինչպես և խոստացել էինք, ունեցավ իր շարունակականությունը: Վստահ եմ, որ մայրաքաղաքի երաժշ տական կրթօջախներում սովորող մեր սաների համար երաժշտական գործիքների թարմացումը նոր լիցք է տալու, որպեսզի միջազգային տարբեր հարթակներում բարձր պահեք Երևանի պատիվը: Սիրելի՛ մանկավարժներ ու սաներ, վստահեցնում եմ ձեզ, որ այս ծրագիրը լինելու է շարունակական», -ընդգծել է քաղաքապետ Տարոն Մարգարյանը:
Միջոցառմանը ներկա ՀՀ ժողովրդական արտիստ, Երևանի պատվավոր քաղաքացի, կոմպոզիտոր Երվանդ Երզնկյանն իր հերթին հատկանշելով գործիքների ձեռքբերման ծրագրի կարևորությունն ու բացառիկությունը՝ հավելել է, որ ոլորտում իրականացված բարեփոխումների շնորհիվ վերջին տարիներին մայրաքաղաքի մշակութային զարկերակին հաղորդվել է նոր ռիթմ:
Երաժտական և արվեստի դպրոցների տնօրեններն էլ իրենց հերթին շնորհակալություն հայտնելով մշակութային օջախների նկատմամբ ցուցաբերվող մշտական հոգածության և հետևողականության համար՝ նկատել են, որ հարմարավետ պայմաններ և երաժշտական նոր գործիքներ ունենալը տասնամյակներ շարունակ սպասված ծրագիր է եղել: Հիշեցնենք, որ 2016թ. երաժշտական դպրոցներին հանձնվել էր 153 երաժշտական գործիք:
Միջոցառման շրջանակում երաժշտական կատարումներով հանդես են եկել և ներկաներին ողջունել երաժշտական կրթօջախների սաները:
