Տպել
Գերմանիայի արտաքին գործերի նախարար Զիգմար Գաբրիելն անընդունելի է համարել Թուրքիայի կողմից իրենց նկատմամբ իրականացվող շանտաժը: Այս մասին նա խոսել է գերմանական Neue Osnabrücker Zeitung-ին տված հարցազրույցում:
Խոսելով այն մասին, որ պաշտոնական Անկարան թույլ չի տվել գերմանացի պատգամավորներին այցելել Ինջիրլիքի ռազմաբազայում գտնվող գերմանացի զինվորներին՝ Գաբրիելն ասել է. «Հուսով եմ, որ թուրքական կառավարությունն առաջիկա օրերին կփոխի իր միտքը, հակառակ դեպքում Գերմանիայի դաշնային խորհրդարանն անկասկած այլևս չի թողնի իր զինվորներին Թուրքիայում»:
Հիշեցնելով, որ Թուրքիայում Գերմանիայի քաղաքացիներն անհիմն պատճառներով բանտ են ուղարկվում, նրանց արգելվում է լքել Թուրքիայի տարածքը՝ Գաբրիելը հայտարարել է, որ այժմ էլ Գերմանիայի խորհրդարանին արվող շանտաժն անընդունելի սահմանների է հասել:
