Տպել
Կենդանիների պաշտպաններն ահազանգում են` Հայաստանի փողոցներում ցեղական շներ են հայտնվել, որոնց փողոցում են թողել տերերը։
«Դինգո թիմ» կազմակերպությունը օրերս հայտարարություն է տարածել, որում նշված է, որ ցեղական շների համար նոր տերեր են փնտրում։ Բանն այն է, որ ոմանք իրենց կենդանիներից հրաժարվել են, որովհետև վերջինները հիվանդացել են։
«Դինգո թիմ» կազմակերպության նախագահ Օվսաննա Հովսեփյանը Sputnik Արմենիայի թղթակցի հետ զրույցում պատմեց, որ ամեն ամիս իրենց կացարանում 10-15 ցեղական շուն է հայտնվում, որոնց լքել են տերերը։
«Ոմանք չեն ուզում բուժել իրենց տերերին, իսկ վերջերս մի դեպք եղավ, երբ կոկեր սպանիելը փողոցում էր հայտնվել միայն պատճառով, որ տերերին «ավելի լավ» շուն էին նվիրել»,- ասաց նա։
Օվսաննայի խոսքով, շների համար նոր տերեր գտնելը բոլորովին դժվար չէ, բայց իրենք պետք է համոզվեն, որ նոր տերն անհրաժեշտ խնամք կապահովի։
«Տարբեր մարդիկ տարբեր պատճառով կարող են ցեղական շանը վերցնել։ Եթե երիտասարդ տղան ուզում է մեզ մոտից շուն վերցնել, մենք անպայման փորձում ենք նրան ավելի մոտիկից ծանոթանալ, որպեսզի համոզվենք, որ նա կենդանուն շների կռիվների համար չի օգտագործի»,- պատմեց Օվսաննան։
Այս պահին կացարանում ցեղական շները վեցն են։ Դինգոյի անդամները նշում են, որ հատկապես ցեղական շների համար կացարանում մնալը դժվար է, որովհետև նրանք սովոր են ապրել տնային պայմաններում։
