Տպել
Լեհաստանում ընթացող Կիոկուշինի Եվրոպայի 31-րդ Բաց Առաջնությանը տղամարդկանց մինչև 70 կգ քաշային կարգում ուժեղագույնները ճանաչվեցին Հայաստանի ու Ճապոնիայի կարատեիստները:
Ըստ արդյունքների.
1-ին տեղ` Հայաստան
2-րդ տեղ` Ճապոնիա
3-րդ տեղ` Հայաստան / Ճապոնիա
Հայաստանի Կիոկուշինի հավաքականի ներկայացուցիչ Կարպիս Կարապետյանը վարած 4 մենամարտերի արդյունքում զբաղեցրեց 3-րդ տեղը: Առաջին մենամարտում նա հաղթեց Ռուսաստանի Դաշնության հավաքականի մարզիկին` իպոն գնահատականով:
Երկրորդ մենամարտում Կարպիսի մրցակիցը Իսպանիայի հավաքականից էր: Ի դեպ, իսպանացի մարզիկը գերազանցում էր Կարպիս Կարապետյանին 7 կիլոգրամով, սակայն մեր մարզիկը, կրկին իպոն գնահատականով հաղթեց մենամարտը:
Երրորդ մենամարտում Կարպիսի մրցակիցը Բելառուսի հավաքականի մարզիկն էր, ով KWU Աշխարհի Առաջնության գործող բրոնզե մեդալակիր է: Մեր մարզիկը ջախջախիչ պարտության մատնեց նրան:
Կիսաեզրափակիչը անցավ շատ լարված: Մենամարտում էին Կարպիսը և Ճապոնիայի հավաքականի ներկայացուցիչ, 2017թ. Աշխարհի գավաթակիրը մինչև 75 կգ. քաշային կարգում:
Մրցավարների կողմնապահության արդյունքում 7 րոպե տևած մենամարտը, ըստ մրցավարների, հաղթեց ճապոնացի կարատեիստը:
Այս քաշային կարգում չեմպիոնը ԿԿԱՖ մարզիկ Արթուր Առուշանյանն է: Նա փայլուն վարելով առաջին մենամարտը` հաղթեց Եվրոպայի չեմպիոն, Աշխարհի առաջնության արծաթե մեդալակիր Ղազախստանի մարզիկին:
Երկրորդ մանամարտում` վազարի գնահատականով Արթուրը հաղթեց Ճապոնիայի գործող չեմպիոնին:
Երրորդ մենամարտը կրկին ճապոնացի մարզիկի հետ էր` Ճապոնիայի չեմպիոն (JFKO վարկած), Աշխարհի գավաթակիր, Եվրասիայի չեմպիոն, Մուայ Թայի աշխարհի չեմպիոն: Վերջինս գերազանցում էր Արթուր Առուշանյանին 5 կիլոգրամով:
Եզրափակչում Արթուրը մենամարտեց Ճապոնիայի հավաքականի այն մարզիկի հետ ու մրցավարները շնորհեցին Կարպիս Կարապետյանի մենամարտի հաղթանակը:
Առաջին իսկ ռաունդում Արթուրը շլացուցիչ հաղթանակ տարավ։ Նախօրեին՝ Լեհաստանում ընթացող Կիոկուշինի Եվրոպայի 31-րդ բաց առաջնությանը մեր հավաքականը ներկայացնող պատանի մարզիկներ Գոռ Տեր-Եսայանի և Արշակ Սիմոնյանի մրցելույթները ևս պսակվել են հաջողություններով, նրանք երկուսն էլ արդեն բրոնզե մեդալակիրներ են։ Այսպիսով ԿԿԱՖ հավաքականը նեուկայացավ 4 մարզիկներով և արժանացավ մեկ ոսկե և երեք բրոնզե մեդալների։
armsport.am
