Տպել
«Ժամանակ» օրաթերթը գրել է, որ ԱԺ «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանին պատկանող հիմնարկներից մեկի տնօրենն օրերս յուրացրել է հիմնարկին պատկանող մի քանի միլիոն դոլարը և ընտանիքով հեռացել երկրից:
Թե որքանով է տվյալ ինֆորմացիան հիմնավոր, Slaq.am-ը զրուցել է Գագիկ Ծառուկյանի մամուլի խոսնակ, ԱԺ պատգամավոր Իվետա Տոնոյանի հետ:
Հերքելով թերթի տեղեկատվությունը նա նշել է. ««Մուլտի գրուպ կոնցեռն»-ի որևէ ձեռնարկության տնօրենի հետ կապված նման միջադեպ տեղի չի ունեցել, այդ ամենն իրականությանը չի համապատասխանում: Հաշվի առնելով, որ հայ մամուլի օրն է նշվում, խորհուրդ կտամ իմ գործընկերներին, որ առաջնորդվեն մասնագիտական պրոֆեսիոնալիզմի սկզբունքներով և չփորձեն սև կատու գտնել էնտեղ, որտեղ իրականում չկա»-նշեց Իվետա Տոնոյանը:
