Տպել
Հանրապետության տարածքում հոկտեմբերի 24-27-ը սպասվում է առանց տեղումների եղանակ:
Այս մասին տեղեկացնում է ՀՀ արտակարգ իրավիճակների նախարարությունը` ներկայացնելով առաջիկա 5 օրվա եղանակային կանխատեսումը:
Նախարարության փոխանցմամբ, միայն հոկտեմբերի 28-ին հիմնականում հյուսիսային շրջաններում երեկոյան ժամերին սպասվում է կարճատև անձրև և ամպրոպ, քամին կլինի հարավ-արևմտյան՝ 3-8 մ/վ արագությամբ:
Օդի ջերմաստիճանը հոկտեմբերի 25-26-ը կբարձրանա 2-3 աստիճանով, իսկ 27-ին նույնքան կնվազի:
Երևանում հոկտեմբերի 24-27-ին սպասվում է առանց տեղումների եղանակ, 28-ին՝ երեկոյան ժամերին, հնարավոր է անձրև և ամպրոպ:
Մայրաքաղաքում հոկտեմբերի 24-28-ն ընկած ժամանակահատվածում ցերեկը օդի ջերմաստիճանը կլինի +22-+24 աստիճանի սահմաններում:
