Տպել
Երևանի պետական համալսարանի գլխավոր շենքի դիմաց արդեն երրորդ օրն է, որ ուսանողները բողոքի ակցիա են իրականացնում՝ իրենց բողոքը հայտնելով տարկետման իրավունքը հանելու օրենսդրական նախաձեռնության դեմ:
Դասադուլի կազմակերպիչը «Հանուն գիտության զարգացման» նախաձեռնությունն է, որը հայտարարել է, որ ակցիան կշարունակեն այնքան ժամանակ, մինչև վերանայվի «Զինվորական ծառայության և զինծառայողի կարգավիճակի մասին» օրենքի նախագծով նախատեսված տարկետման իրավունքին վերաբերող դրույթները:
Նախօրեին ցուցարար ուղանողներին ընդունել է ԿԳ նախարար Լևոն Մկրտչյանը և հորդորել դադարեցնել դասադուլը, քանի որ դասադուլի մեջ իմաստ չի տեսնում:
Այսօր ցույցի ելած ուսանողները որոշել են երթով շարժվել դեպի կառավորթյան շենք, որտեղ տեղի է ունենալու կառավարության հերթական նիստը:
Նշենք, որ ցույցը տեղի է ունենում անձրևի ներքո, որի հետևանքով ցուցարարների թիվն անհամեմատ քիչ է:
