Տպել
Հայաստանի ազգային հավաքականի ավագ Հենրիխ Մխիթարյանը դարձել է «Մանչեսթեր Յունայթեդի» միջազգային ռեկորդակիրներից մեկը:
Կիպրոսի հետ ընկերական խաղում Հայաստանի պատմության լավագույն ռմբարկուն, անվրեպ իրացնելով նշանակված 11-մետրանոցը, հավաքականում իր գոլերի թիվը հասցրել է 25-ի:
Մխիթարյանը հավաքականի պատմության լավագույն ռմբարկուի ռեկորդը գերազանցել է 2013 թվականին` ԱԱ-ի ընտրական փուլի Իտալիայի հետ խաղում դառնալով գոլի հեղինակ (2:2) և շրջանցելով ներկայիս գլխավոր մարզիչ Արթուր Պետրոսյանին, ում ակտիվում 11 գոլ Հայաստանի հավաքականի կազմում:
«Մանչեսթեր Յունայթեդի» պաշտոնական կայքը ներկայացրել է թիմի ներկա և նախկին ֆուտբոլիստներին, ովքեր իրենց հավաքականների կազմում ռմբարկուական ռեկորդ են սահմանել.
Հայաստան. Հենրիխ Մխիթարյան` 25 գոլ/70 խաղ
Բելգիա. Ռոմելու Լուկակու` 31 գոլ/ 65 խաղ
Բուլղարիա. Դիմիտար Բերբատով` 48 գոլ/ 78 խաղ
Կոլումբիա. Ռադամել Ֆալկաո` 28 գոլ/ 70 խաղ
Անգլիա. Ուեյն Ռունի` 53 գոլ/ 119 խաղ
Մեքսիկա. Խավիեր Էրնանդես` 49 խաղ/ 99 խաղ
Հոլանդիա. Ռոբին վան Պերսի` 50 գոլ/ 102 խաղ
Հյուսիսային Իռլանդիա. Դևիդ Հելի` 36 գոլ/ 95 խաղ
Պորտուգալիա. Կրիշտիանու Ռոնալդու` 79 գոլ/ 147 խաղ
Շոտլանդիա. Դենիս Լոու` 30 գոլ/ 55 խաղ
Շվեդիա` Զլատան Իբրահիմովիչ` 62 գոլ/ 116 խաղ
armsport.am
