Տպել
Ձեզ համար անմոռանալի ու վառ տոն կազմակերպեք՝ դիմավորեք Ամանորը հետաքրքիր շոու ծրագրերով, պարային ռիթմերով ու անսպասելի անակնկալներով։ NEWS.am STYLE–ը Ձեզ համար հավաքել է այն ռեստորանների ու խնջույքի սրահների ցանկը, որոնք ամանորյա գիշերը հատուկ ծրագիր են առաջարկում։ Ի դեպ, չարժե կարծել, թե Ամանորը ռեստորանում թանկ է՝ մենք Ձեր ուշադրությանն ենք առաջարկում բազմազան վայրեր, որոնք կհամապատասխանեն Ձեր հետաքրքրություններին ու բյուջեին։
Simona
Ամանորն ընտանեկան տոն է, դրա համար էլ առաջարկում ենք Ձեզ այն դիմավրոել տանը, իսկ հետո շարունակել տոնել փաբում, որտեղ հավաքվում է երիտասարդությունը։ Այսինքն դուք հնարավորություն ունեք ամբողջ գիշեր պարել դիջեյական միքսերի ներքո, փորձել կոկտեյլներ ու նոր ծանոթություններ հաստատել։ Փաբի մուտքի տոմսը կարժենա 10 հազար դրամ։ Այդ գումարով դուք կստանաք մեկ ափսե միրգ, լավ տրամադրություն ու հնարավոր է նաև գլխացավ՝ զանազան ըմպելիքներ խմելուց հետո։
Astral Cafe
Ամանորյա գիշերը Astral Cafe-ում խոստանում է դրայվային ու ուրախ լինել, եթե հաշվի առնենք, թե ինչ շոու ծրագիր են հյուրերի համար պատրաստել կազմակերպիչները։ Կարծում եմ, ո ր Արամ MP3-ի երկրպագուները բաց չեն թողնի հնարավորությունը ՝ 2018 թ․ դիմավորել սիրելի երգչի հետ։ Նաև հնարավոր կլինի լսել այլ երգիչների, դիտել պարային համարներ ու վայելել դիջեյական երաժշտություն, նաև պարել։ Այստեղ Ամանորը տոնելը կարժենա 25 000 դրամ, որի մեջ մտնում են միրգն ու շամպայնը։
Cucina
Ռեստորանը Ձեզ հրավիրում է դիմավորել Ամանորը իտալական ձևով՝ կենսուրախ ու աշխույժ, համեղ ընթրիքով, բարձր երաժշտությամբ ու պարերով։ Ձեզ սպասում է ուտեստների, ըմպելիքների, կոկտեյլերի, նախուտեստների ու աղանդերի լայն ու յուրահատուկ ընտրանի, որը կապահովի գեղեցիկ ու համեղ Ամանոր։ Նման տոնի արժեքն ընդամենը 35 000 դրամ է։
Apaga Resort
ևս մեկ տարբերակ է Ամանորը դիմավորել բնության գրկում՝Ենոքավանում՝ ձմեռային ժամանցի տարբեր ձևերով կամ էլ մեկուսացած քոթեջում, ինչպես Սուրբ ծնունդի մասին հոլիվուդյան լավագույն ֆիլմերում։ Դեկտեմբերի 31-ին բոլոր հյուրերի համար հասանելի կլինեն վարպետության դասընթացներ, դիջեյական երաժշտություն, կիթառի ներքո երգեր, հյուրասիրություն, ժամանց, զբոսանք ձիերի վրա ու թռիչք զիփլայնով։ Երկու անձի համար եռօրյա հանգիստը ՝ նախաճաշով ու ճաշով, կկազմի 445 000 դրամ։ Փոխարենը Ձեզ իրենց այցելություններով չեն հոգնեցնի ազգականները, հարևանները, ընկերները;
Dilijan Resort & SPA
Ամանորյա գիշերը ու հունվարյան տոները կարելի է անցկացնել նաև Դիլիջանում, որտեղ ոգեշնչող լեռնային բնապատկերները, առողջարարական ու SPA ծրագրերը Ձեզ անմոռանալի հանգիստ կպարգևեն։ Երկու անձի համար 7-օրյա լիարժեք հանգիստը կարժենա 650 000 դրամ, փաթեթը ներառելու է միայն հյուրանոցի համարը, նախաճաշ ու ճաշ, լողավազան և տրենաժորներով մարզասրահ։ Իսկ նրանց համար, ովքեր ցանկանում են հունվարի 1-ը քաղաքից դուրս դիմավորել, հետո տուն վերադառնալ, նման տոնը կարժենա 100 000 դրամ։ Դե, կարծում եմ, տարեկան մեկ անգամ կարող եք նման հաճույք պարգևել ինքներդ Ձեզ ու Ձեր մտերիմներին , եթե իհարկե ընտանեկան բյուջեն դրանից ճաք չտա։
