Տպել
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը պրեմիեր լիգայի հաջորդ խաղում դաշտ դուրս կգա:
Հենրիխ Մխիթարյանը «Մանչեսթեր Յունայթեդի» ֆուտբոլիստն է, և նա շատ լավ խաղացող է, ասել է «կարմիր սատանաների» գլխավոր մարզիչ Ժոզե Մոուրինյոն: armeniasputnik.am-ի փոխանցմամբ՝ այս մասին հաղորդում է Skysports պորտալը:
Մոուրինյոն հայտնել է նաև, որ մտադիր է Մխիթարյանին դաշտ դուրս թողնել «Սթոուք սիթի» դեմ պրեմիեր լիգայի հաջորդ խաղում:
«Մխիթարյանը խաղացել է Անգլիայի գավաթի վերջին խաղում, և ամենայն հավանականությամբ, դաշտ դուրս կգա հաջորդում»,- ասել է Մոուրինյոն` նկատի ունենալով «Սթոուք սիթի» դեմ պրեմիեր լիգայի առաջիկա խաղը:
Ինչպես նշել է Մոուրինյոն, շաբաթ օրը Հենրիխ Մխիթարյանը մասնակցել է մարզումներին, կիրակի կներառվի հայտում, իսկ երկուշաբթի կխաղա:
Մամուլում երկար ժամանակ է լուրեր են շրջանառվում այն մասին, որ Հենրիխ Մխիթարյանը մոտ ժամանակներս կլքի «Մանչեսթեր Յունայթեդը»:
Առավել հավանական տարբերակ է համարվում «Ինտերի» կողմից Մխիթարյանին վարձակալելու տարբերակը: Բացի այդ, ԶԼՄ-ները քննարկում են նաև նրա տեղափոխությունը «Արսենալ»:
