Տպել
Միլանի արվարձանում գնացքը դուրս է ընկել ռելսերից, ինչի հետևանքով զոհվել է երկու, վիրավորվել տասը մարդ: Այդ մասին հայտնել է Reuters գործակալությունը:
Միջադեպը տեղի է ունեցել առավոտյան ժամը մոտավորապես 7-ին Միլանի արվարձանի Segrate և Pioltello կայարանների միջև:
Ferrovie dello Stato փոխադրող ընկերության ներկայացուցիչը գործակալությանը հայտնել է, որ վթարը տեղի է ունեցել քաղաքից 40 կմ հեռավորության վրա: II Post հրատարակությունը հայտնել է երկու զոհվածների մասին: Եվս հինգ մարդ, հրատարակության տվյալներով, մնացել է վնասված գնացքում, 50 ուղևորներ թեթև վնասվածքներ են ստացել:
Լեփ-լեցուն գնացքը ժամը 6:17-ին Միլան է ուղևորվել մերձակա Կրեմոնա քաղաքից: Տեղում աշխատում են փրկարարների ու հրշեջների խմբերը:
Միլանի ուղղությամբ գնացքների երթևեկությունն առայժմ կասեցված է:
