Սյուզի Մելիքյանը «պատրաստ է…»

Նա պատմել է, որ նախապատրաստական աշխատանքները երկար են տեւել. «Մտածում էինք՝ երաժշտությունը, բառերն ինչպիսին լինեն, որ բոլոր էմոցիաները կարողանան փոխանցել: Տեսահոլովակի համար էլ հատուկ տաղավարներ են պատրաստվել: Ցուրտ եղանակին ենք իրականացրել նկարահանումները, եւ ընտրված մեծ տարածքը տաքացնելը բավականին բարդ էր: Մեծ խումբ է աշխատել ինձ հետ, եւ փորձել ենք լավ արդյունք ստանալ»:

Տեսահոլովակի ռեժիսորը Ժոռ Մելոյանն է.«Միասին երկար մտածելուց հետո հարցականով վերջաբան ենք ընտրել: Երգը շատ խոր իմաստ ունի. հերոսուհուն անընդհատ փորձում են շեղել, ցավեցնել, խանգարել: Շուտով կտեսնեք, թե ինչպես է այդ ամենը ներկայացված»,-ասել է երգչուհին:

Թե ինչու է ամեն տեսահոլովակից հետո տեւական դադար վերցնում, երգչուհին ասել է.«Երգերս այնքան դժվար եմ ընտրում. տարբեր երգահանների երգեր եմ լսում, պետք է երգը դիպչի սրտիս, զգամ, որ երաժշտությունն իմն է, որպեսզի կարողանամ երգել»: