Տպել
Կանադայի Ալբերտայի համալսարանի գիտնականները Վոյնիչի ձեռագրի ուսումնասիրման համար արհեստական ինտելեկտ են օգտագործել։ Նրանք կարողացել են որոշել փաստաթղթի լեզուն և թարգմանել դրա առաջին նախադասությունը, հաղորդում է РИА Новости-ն։
Գիտնականները ալգորիթմ են մշակել, որը 97 տոկոս ճշգրտությամբ ճանաչել է 380 լեզուներով թարգմանված Մարդու իրավունքների համընդհանուր հռչակագրի լեզուն: Վոյնիչի ձեռագրի դեպքում էլ մասնագետները եկել են այն եզրակացության, որ այն գրված է եբրայերենով:
Առաջին նախադասությունն ասում է․ «Նա առաջարկներ ներկայացրեց քահանային, տան գլխավորին, ինձ և ժողովրդին»: Բացի այդ, տեքստում հանդիպում են «գյուղացի», «լույս», «օդ» և «հրդեհ» բառերը:
Վոյնիչի ձեռագիրը գրվել է 15-րդ դարում և բաղկացած է 240 էջից։ Այն պատկերում է գիտությանը անհայտ բույսեր և երկնային մարմիններ։
