Տպել
«Եվրատեսիլ-2018» երգի մրցույթում Հայաստանը ներկայացնելու հայտ են ներկայացրել մի շարք երիտասարդ և տաղանդավոր երգիչ-երգչուհիներ, ինչպես նաև խմբեր: Նրանցից լավագույններն իրենց հեղինակային երգերով մասնակցում են «Դեպի Եվրատեսիլ» նախագծին, որը հեռարձակվում է Հանրային հեռուստատեսությամբ: Փետրվարի 19-ին տեղի ունեցավ «Դեպի Եվրատեսիլ»-ի առաջին կիսաեզրափակիչը, և տասը մասնակից պայքարեց փետրվարի 25-ին կայանալիք եզրափակիչում ելույթ ունենալու համար:
Միջազգային ժյուրիի և հեռուստադիտողների քվեարկության արդյունքում ելույթ ունեցած տասը մասնակցից հաջորդ փուլ անցան հինգը` Մհերը, Ռոբերտ Քոլոյանը, Գևորգ Հարությունյանը, Լուսինե Մարդանյանը և «Նեմրա» ռոք-խումբը:
Փետրվարի 22-ին կայանալիք երկրորդ կիսաեզրափակիչում ելույթ կունենան Մարիա Սիքրեթը, Արման Մեսրոպյանը, Կամիլ շոուն, Սուրեն Պողոսյանը, AlternatiV բենդը, Ամալյա Մարգարյանը, Տյոմը, Սևակ Խանաղյանը, Մարիամը և Հասմիկ Շիրոյանը: Մրցույթի եզրափակիչը կկայանա փետրվարի 25-ին:
«Եվրատեսիլ-2018» երգի մրցույթն այս տարի անցկացվելու է Լիսաբոնում: Մրցույթին կմասնակցեն 42 երկրների ներկայացուցիչներ: «All Aboard» («Բոլորս դեպի տախտակամած») թեմատիկ նշանաբանի ներքո բոլորը հրավիրվում են Եվրոպայի երաժշտության տոնին:
Թվով 63-րդ մրցույթի մասնակից երկրների ցուցակում են Ռուսաստանը, Ալբանիան, Հայաստանը, Ավստրալիան, Ավստրիան, Իռլանդիան, Նորվեգիան, Լեհաստանը, Պորտուգալիան, Ռումինիան, Սան Մարինոն և այլ երկրներ:
«Եվրատեսիլ-2018»-ի եզրափակիչները կկայանան մայիսի 8-ին և 10-ին, եզրափակիչը՝ մայիսի 12-ին:
«Եվրատեսիլ-2018» երգի միջազգային մրցույթին Հայաստանը կներկայացնի այն արտիստը, ով կդառնա «Դեպի Եվրատեսիլ» նախագծի հաղթողը: Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը: Այզեթերաշրջանում երգիչները կկարողանան ներկայանալ իրենց երգերով եւ հաղթելու պարագայում տվյալ ստեղծագործությունն էլ հնչեցնել «Եվրատեսիլ- 2018»-ին: Երգը պետք է գրված լինի հատուկ նախագծի համար կամ նախկինում հրապարակված չլինի:
