Ստամբուլի Շիշլի թաղամասում Հրանտ Դինքի անունով փողոց է վերանվանվել

Ստամբուլի Շիշլի թաղամասում երկու փողոց վերանվանվել է պոլսահայ մտավորական Հրանտ Դինքի և լրագրող Ուղուր Մումջուի անուններով: Այս մասին հայտնում է թուրքական birgun.net-ը: Շիշլիի քաղաքային խորհրդի մարտի 8-ի որոշմամբ` թաղամասի Ըշըք փողոցը վերանվանվել է Ուղուր Մումջուի անվանբ, իսկ Սամանյոլու փողոցը` Հրանտ Դինքի անունով: Շիշլիի քաղաքային խորհրդի որոշումն ուղարկվել է Ստամբուլի քաղաքային խորհուրդ, որտեղ հաստատվելուց հետո պաշտոնապես կմտնի ուժի մեջ: