Տպել
Երբ ես 18 տարեկան էի… տարան բանակ:))
Ֆիլմ նկարելը նման է… արարչագործության:
Հայաստանում հնարավոր է լավ կինո ստեղծել… հնարավոր է և ստեղծվում է:
«Թևանիկը»… թևեր առած թռչում է:
Ես փորձել եմ պատմել… այն ամենի մասին, ինչ տեսել ենք, ինչն անկեղծ է և իրական:
«Թևանիկը» սիրվեց, որովհետև… անկեղծ էր, ազնիվ… Թևանիկին չսիրել չէր կարելի:
Ինձ համար ամենադժվար բանը… միջակ մարդկանց հետ ընկերություն անելն է:
«Ընդհատված մանկությունը»… մարդկության անկատար և տձև դեմքն է:
Իսկ իմ մանկությունը… փոթորկուն էր:
«Վերջին բնակիչը»… մոլորկակի վերջին բնակիչն է:
Մեկ ծաղկով գարուն կգա… 100 տոկոս:
Արցախը այսօր… ազատ է, անկախ և հզոր:
«Դրախտի դարպասը» պետք է կայանա, քանի որ… այլ տարբերակ չկա:
Արցախում շատ չպատմված պատմություններ կան… որ պետք է պատմել:
«Դրախտի դարպասը» տարբերվելու է իմ նախորդ ֆիլմերից… որովհետև դրախտի մասին պատմելու համար պետք է դրախտի տեղն իմանաս, իսկ ես գիտեմ:
Ես կուզեի՝ բոլորն իմանան… որ մենք crowdfunding ենք անում: :))
Աշխարհի մարդկանց հնարավոր է հուզել… պատմելով քո՛ մասին, քո՛ գյուղի մասին , քո՛ պատմության մասին:
Եվ այնուամենայնիվ ես հավատում եմ, որ… խավարից այն կողմ լույս կա, օվկիանոսի ալիքներից այն կողմ՝ ցամաք:
Հավատացեք, ամենևին էլ հեշտ չէ… Հայաստանում ֆիլմ նկարելը:
Լավագույն ռեժիսորը… Արարիչն է:
Լավագույն դերասանն ինձ համար… նա է, որ երբեք չի խաղում:
Երբ ես դեռ նոր էի սկսում ֆիլմեր նկարել… ոչ ոք չի հիշում, ես էլ չեմ հիշում:
Առաջ ես ավելի… նիհար, բարձրահասակ, շիկահեր և կապուտաչյա էի:
Հիմա ես արդեն… բավականին սևահեր եմ և սևաչյա:
Ինչ էլ լինի… երբեք ու երբեք չհանձնվել:
Ամենակարևորը, որ ուզում եմ մարդկանց ասել իմ ֆիլմերով… եկեք չվատնենք կյանքը ամեն վայրկյանի մեջ:
Ես ուրախանում եմ, երբ… աշխարհի որևէ անկյունում մի լավ բան է լինում:
Պետք է չդժգոհել, այլ… աշխատել:
Իսկ հիմա… ճիշտ ժամանակն է:
Ես Ջիվան Ավետիսյանն եմ, ես… այսքանը ու վերջ:))
Զրուցեց Շուշան Կարապետյանը
