Տպել
«Չգիտեմ` ես կլինեմ այդ հիանալի փառատոնի հեդլայները, թե ոչ, բայց հրավիրված եմ մասնակցելու։ Չեմ թաքցնի, որ շատ ուրախ եմ»,- նորությունը մեկնաբանեց Կազանովան։
Երգչուհին դուդուկ չի նվագում, բայց շատ է սիրում այդ գործիքի «գեղեցիկ, խորաթափանց և թավշյա ձայնը»։
«Դուդուկն ընդհանրապես կապված չի եղել իմ մանկության հետ, քանի որ իմ հայրենի ադիգեական մշակույթում երաժշտական ուրիշ գործիքներ են օգտագործում։ Բայց քանի որ Կովկասը մշակույթների միահյուսում է, դուդուկի ձայնը շատ ծանոթ ու քաղցր է ինձ համար։ Ես միշտ երազել եմ ինչ-որ կերպ ներհյուսել այդ հնչողությունն իմ ստեղծագործության հետ»,- ասաց Կազանովան։
Մոսկվայի պլանետարիումում, որտեղ տեղի կունենա փառատոնը, «Ֆաբրիկա» խմբի նախկին մասնակիցը բեմ կբարձրանա ոչ թե փոփ երգացանկով, այլ իր համար շատ կարևոր Sati Ethnica երաժշտական նախագծով, որը կազմված է չեչանական հին երգերից և մանտրաներից։
«Դուդուկի հնչողությունը շատ հետաքրքիր ձևով է միահյուսվում հին մեղեդիների հետ։ Իմ նախագծում հիանալի երաժիշտ կա` տարբեր գործիքներ նվագող Իլդար Գիրիդարին։ Նա կարողանում է դուդուկ նվագել։ Ընդ որում ինքն է սովորել։ Նույնիսկ մի անգամ ելույթ է ունեցել լեգենդար Ջիվան Գասպարյանի հետ»,- նշեց երգչուհին։
2005թ-ին դուդուկի երաժշտությունը ճանաչվել է ՅՈՒՆԵՍԿՕ-ի համաշխարհային ոչ նյութական մշակութային ժառանգության գլուխգործոց։
