Կրետե կղզին «կարմրել է»

Աֆրիկյան փոշին պատել է Հունաստանի Կրետե կղզին, երկինքը նարնջակարմիր գույն ՝ ստացել: Բնակիչներն ստիպված են դիմակներ հագնել փողոց դուրս գալու համար կամ էլ ընդհանրապես մնալ տներում, հաղորդել է Greek Reporter-ը:

Տեսագրությունը հրապարակել է ՆՏՎ-ն իր Telegram-ալիքում: «Եղանակային պայմանների պատճառով Կրետեն սկսել է ավելի շատ նմանվել Մարսին, քան միջերկրածովյան կղզու»,- նշում է հրատարակությունը: Սաստիկ քամին դժվարացրել է արտակարգ ծառայությունների աշխատանքը, քանի որ մեծացել է շոգի պատճառով սկսված անտառային հրդեհների քանակը: