Տպել
Բելգիացի պատգամավորներ Դավիդ Կլարենվալը, Ժորժ Դալեմանը և Էլս Վան Հոֆը նամակը են հղել Բելգիայի արտաքին գործերի նախարար Դիդիե Ռեյնդերսին «Ադրբեջանը պետք է դադարեցնի քաղաքական հետապնդումը Գասպար Կարապետյանի նկատմամբ» վերտառությամբ: Ներկայացնում ենք նամակն ամբողջությամբ.
«Հարգելի պարոն Նախարար,
Սույն նամակով ցանկանում ենք Ձեր ուշադրությունը հրավիրել ՀՅԴ Եվրոպայի հայ դատի գրասենյակի (Բելգիական հասարակական կազմակերպության) նախագահ Գասպար Կարապետյանի դեմ Ադրբեջանի Հանրապետության՝ «Ինտերպոլ»-ին ներկայացրած ձերբակալման միջազգային արտոնագրի վրա։ Նման արտոնագիրը անընդունելի է և ունի չարաշահող բնույթ։ Ձերբակալման միջազգային արտոնագրի հիմքում ընկած է Գասպար Կարապետյանի Լեռնային Ղարաբաղի/Արցախի Հանրապետության տարածք պարբերաբար այցելելը։
ՀՅԴ Եվրոպայի հայ դատի գրասենյակը Բրյուսելում գործող հասարակական կազմակերպություն է, որը քաղաքացիական ակտիվիզմի ճանապարհով փորձում է հանրության իրազեկությունը բարձրացնել Լեռնայի Ղարաբաղի վերաբերյալ և աշխատանք է տանում Լեռնային Ղարաբաղի բնակչությանը պարտադրված աշխարհաքաղաքական մեկուսացման վերացման ուղղությամբ։ Պարոն Կարապետյանի մշտական այցելությունները պայմանավորված են վերընշված նպատակների իրականացմամբ։
Պարոն Նախարար,
Ինչպես Ձեզ հայտնի է, միջազգային իրավունքում գոյություն չունի և ոչ մի նորմ, որն արգելում է Բելգիայի կամ եվրոպական որևէ այլ երկրի քաղաքացուն այցելել Լեռնային Ղարաբաղ։ Նման այցելությունները խիստ կարևոր են հակամարտության խաղաղ կարգավորման համար, ինչը խնդրի հանգուցալուծման միակ ընդունելի տարբերակն է։
Ցավում ենք, որ Ադրբեջանի իշխանությունները օգտագործում են սպառնալիքներ՝ փորձելով քրեականացնել Լեռնային Ղարաբաղ այցելությունները և ստեղծելով անցանկալի անձանց սև ցուցակներ։ Մենք համոզված ենք, որ «Ինտերպոլ»-ին ներկայացված ձերբակալման միջազգային արտոնագիրը պրն. Կարապետյանի դեմ ունի բացահայտ զրպարտող բնույթ և որը ոչ այլ ինչ է, քան քաղաքական հալածանք։ Սա ցավալի փաստ է և հակասում է մեր արժեքներին։
Պարոն Նախարար,
Ադրբեջանը մի երկիր է, որի հետ Բելգիան ունի դիվանագիտական հարաբերություններ։ Լինելով Բելգիայի արտաքին գործերի նախարար՝ Դուք աշխատում եք նաև ադրբեջանցի ձեր գործընկերոջ հետ։ Այս առումով մենք կարևոր ենք համարում ձեզ տեղյակ պահել վերը նշվածի մասին, որպեսզի հետագայում դուք կարողանաք համապասխան ձևով գործել։
Ընդունեք, պարոն Նախարար, մեր հարգանքների հավաստիքը:
Դավիդ Կլարենվալ
Ժորժ Դալեման
Էլս Վան Հոֆ»:
