Տպել
Անցած շաբաթ հայտնի դարձավ, որ ադրբեջանցիները, իսկ որոշ տեղեկություններով հենց թուրքերը, ծավալուն վերադիրքավորում են իրականացրել Նախիջևանի հատվածում: Եղել է զորաշարժ, դիրքերի բարելավում, խոցման հնարավորությունների աճ: Նոր Հայաստանի Պաշտպանության նախարարությունը, սակայն, արձագանքում է այնպես, ինչպես առաջ՝ 2014 թվականի մեր խոցված ուղղաթիռի, 2015-ի մեր օդային սահմանը հատած և Արմավիրի մարզի երկնքում զվարճացած թուրքական ուղղաթիռների ժամանակ և ապրիլյան մարտերին նախորդող շրջանում. «Մենք ամեն ինչ գիտենք, իրավիճակը վերահսկվում է, առանձնապես ոչինչ տեղի չի ունեցել»: Մինչդեռ Նախիջևանն այն տարածաշրջանն է, որն անմիջապես Երևանին է սպառնում, իսկ վերջին տարիների աշխարհաքաղաքական տեղաշարժերի արդյունքում առհասարակ 3-րդ համաշխարհայինի հավանական կայծքարերից մեկն է դարձել:
