Տպել
Քաղտեխնոլոգ Կարեն Քոչարյանը ֆեյսբուքյան իր էջում գրում է. «Մի քանի օր առաջ Նաիրա Զոհրաբյանը հայտարարեց, որ ԲՀԿ հավակնում է առաջիկա արտահերթ ընտրություններում ստանալ 50%+1 ձայներ:
Այսօր «Հրապարակ» օրաթերթում տրված հարցազրույցում, Արթուր Բաղդասարյանը հայտարարել է, որ ՕԵԿ-ը հավակնում է ստանալ 49%+1 ձայներ: Դե Նիկոլ Փաշինյանն ապրիորի ունի 75-80 %+1: Քանի որ ավանդույթի համաձայն պարլամենտի միակ ընդիմությունը պետք է ունենա 7-8 %+1, ապա ՀՀԿ-ն, որպես միակ ընդդիմություն, երևի հենց այդքան էլ կստանա: ՀՅԴ արդեն 130 տարի է իր անփոփոխ 5-6 %+1 ունի: «Ելք»-ն առանց «Քաղպայմանագրի» ևս մի 10-15 %+1: ՀԱԿ-ը, «Ազատ դեմոկրատները», ՕՐՕ-ն՝ вот Вам еще два места +1:
Փաստորեն Նոր Հայաստանի վիճակագրությունը շատ չի տարբերվում հին Հայաստանի վիճակագրությունից: Այ հիմա հասկացա, թե ինչու ՀՀ վիճակագրության ծառայության պետ Ստեփան Մնացականյանը մնաց իր տեղում»:
