«Վարչապետի ու ՊՆ նախարարի որդիները ոչ մի րոպե չպետք է անցկացնեն առաջնագծում». Տիգրան Մազմանյան

Ակտիվիստ Տիգրան Մազմանյանը Ֆեյսբուքում գրել է.

«Ուզում եմ բարձրաձայնել մի հարցի վերաբերյալ և կիսվել իմ կարծիքով։

Վարչապետ Նիկոլ Փաշինյանը որոշ ժամանակ առաջ բարձրաձայնեց այն մասին, որ իր որդին` Աշոտը պետք է պարտադիր զինվորական ծառայության անցնի ՀՀ Զինված ուժերում և ծառայությունն անցկացնի ԼՂՀ առաջնագծում։

Իմ կարծիքով՝ սա կլինի շատ ռիսկային որոշում, քանի որ, թշնամին իմանալով տվյալ մարտական դիրքում ծառայում է վարչապետի որդին, պատկերացնո՞ւմ եք՝ ինչ կկատարվի այդ դիրքում ամեն օր, ամեն գիշեր։

Անվտանգության նկատառումներից ելնելով՝ ես կոչ եմ անում Վարչապետին և Պաշտպանության նախարարին այնպես անել, որ թե Վարչապետի, և թե ՊՆ նախարարի որդիները` ծառայելով ԼՂՀ-ում, ոչ մի րոպե չանցկացնեն առաջնագծում։

Հ.Գ. Սիրելի ընկերներ, ես չեմ ասում, որ պետք ա չծառայի, այլ պետք ա և պարտադիր ա ծառայի, բայց ոչ սահմանին, քանի որ դրանով ոչ թե նրա անվտանգության համար այլ մյուսների անվտանգության համար»։

https://www.facebook.com/permalink.php?story_fbid=677485679261060&id=100009989024585