Հայաստանում իշխանիկների, ֆեոդալների ժամանակն անցել է, անձեռնմխելի մարդիկ չկան. Նիկոլ Փաշինյան
Advertisement 1000 x 90

Հայաստանում իշխանիկների, ֆեոդալների ժամանակն անցել է, անձեռնմխելի մարդիկ չկան. Նիկոլ Փաշինյան

Վարչապետ Նիկոլ Փաշինյանն այս պահին Գորիսում է: Նա, դիմելով այստեղ հավաքված քաղաքացիներին, շնորհավորեց Սահմանադրության օրը և հիշատակեց՝ այնտեղ նշված է, որ Հայաստանի Հանրապետությունում իշխանությունը պատկանում է ժողովրդին:

Վարչապետի խոսքով՝ այդ զգացողությունը պետք է ունենա ՀՀ յուրաքանչյուր քաղաքացի:

«Հայաստանում իշխանների, իշխանիկների, ֆեոդալների ժամանակն անցել է: ՀՀ քաղաքացին է երկրի տերը, պատասխանատու է իր երկրի համար: Հայաստանի Հանրապետությունը ՀՀ քաղաքացու սեփականությունն է, և մենք այստեղ պետք է զգանք մեզ տերը մեր երկրի»,- ասաց նա: Նիկոլ Փաշինյանը ներկաներին հավատացրեց՝ Գորիսում էլ իշխանությունը ժողովուրդն է: «Պաշտոնյաները ծառայում են ժողովրդին: Դուք պետք է ունենաք իշխանություն, որը ծառայելու է ձեզ, դուք ունեք իշխանություն, որը ծառայում է ժողովրդին»,- ասաց նա: