Տպել
ԱՄՆ-ի նախագահ Դոնալդ Թրամփը հայտարարել Է, թե իր միակ զանցանքն անակնկալ հաղթանակն Էր 2016 թվականի ընտրություններում: Այդ մասին նա գրել Է Twitter-ի իր օգտահաշվում:
«Միակ բանը, որը ես ճիշտ չեմ արել, այն Է, որ հաղթեցի ընտրություններում, թեև բոլորն ակնկալում Էին Հիլարի Քլինթոնի և դեմոկրատների հաջողությունը: Խնդիրն այն Էր, որ նրանք մոռացել Էին ընտրարշավ անցկացնել բազմաթիվ նահանգներում»,- գրել Է ԱՄՆ-ի ղեկավարը: Նա այդ կերպ Է մեկնաբանել այն բազմաթիվ մեղադրանքները, որոնք հնչել են նախընտրական արշավի շրջանում իբր կատարված իրավախախտումների պատճառով:
Թրամփի նախկին անձնական փաստաբան Մայքլ Քոենն օգոստոսի 22-ին իրեն մեղավոր Է ճանաչել հարկերի վճարումից խուսափելու հետ կապված հանցագործությունների և ֆինանսական կարգապահության հանցավոր խախտման մեջ: Ինչպես լրագրողներին հայտարարել Է Նյու Յորքի դատախազության ներկայացուցիչը, Քոենը 1,3 մլն դոլար գումարի հարկ չի վճարել 4,3 մլն դոլար եկամտից, որը նա ստացել Էր 2013-2016 թվականներին իրականացրած գործունեությունից: Միաժամանակ նա խոստովանել Է, որ ապօրինաբար ստացել Է 500 հազար դոլար գումարի վարկ, ինչպես նաև մասնակցել Է ընտրական արշավի ֆինանսավորմանը: Ընդսմին դատախազության ներկայացուցիչը չի հայտնել, թե նախագահի որ թեկնածուի օգտին Է Քոենը նվիրատվություն արել նախագահական մրցավազքի ընթացքում:
Բացի այդ, Քոենը խոստովանել Է, որ վճարել Է երկու կանանց, որոնք ավելի վաղ ինտիմ կապեր են ունեցել Թրամփի հետ, որպեսզի նրանք չհրապարակեն այդ տեղեկատվությունը: Դա, Քոենի խոսքով, արվել Է Թրամփի ցուցումով: Նույն օրն ավելի վաղ նախագահական ընտրություններում Դոնալդ Թրամփի նախընտրական շտաբի նախկին ղեկավար Փոլ Մանաֆորտը մեղավոր Է ճանաչվել հարկերի պարտակչության և ֆինանսական խարդախության մեջ: Երդվյալների ժյուրին դատավարության ժամանակ այս վճիռն Է կայացրել Մանաֆորտի նկատմամբ. նա մեղադրվում Է մեղադրանքի՝ իրեն առաջադրված 18 կետերից ութով: Վճռին համապատասխան Մանաֆորտին սպառնում Է երկարատև բանտարկություն, դատարանը դատավճիռը կկայացնի ավելի ուշ:
