«Պետք է վճարեք մաքրուհիներին այդ աշխատանքի համար կամ ձեր երեխաների հետ կազմակերպեք դասասենյակների մաքրությունը». Անահիտ Բախշյանը՝ ծնողներին

Անահիտ Բախշյանը ֆեյսբուքյան իր էջում գրում է. «Դպրոցահասակ երեխաներ ունեցող հարգելի ծնողներ, դպրոցների դասասենյակների մաքրության հետ կապված իմ գրառմանս առիթով անչափ շատ հարցադրումներ ու նույնիսկ դժգոհություններ կան: Պարզաբանեմ: Դպրոցների ֆինանսավորման մեջ դասասենյակների մակերեսների մաքրությունը չի ֆինանսավորվում, որովհետև ենթադրվում է, որ դասասենյակները պետք է մաքրեն աշակերտները, որի վերաբերյալ ընդվզում են, գուցե իրավացիորեն, հատկապես տարրական դասարանների ծնողներն ու պահանջում, որպեսզի դպրոցի մաքրուհիներն այդ գործը անեն: Նրանք պարտավոր չեն դասասենյակները մաքրել, առանց այդ էլ դպրոցների դասասենյակներից բացի, մնացած մակերեսները մաքրելու համար նրանց տրվող աշխատավարձը նվազագույնն է, իսկ աշխատանքի համար յուրաքանչյուրին պետք է վարձատրել:

Հետևաբար՝ կա՛մ առանց տնօրենին, կա՛մ «մեկ պատուհան»-ին բողոքելու, պետք է վճարեք մաքրուհիներին այդ աշխատանքի համար կա՛մ ձեր երեխաների հետ կազմակերպեք դասասենյակների մաքրությունը: Տնօրեններն էլ չեն կարող արգելել այս նպատակով ծնողների դրամահավաքը, որովհետև դա կամավոր իրենց որոշումն է, սա կաշառք չի, սա աշխատանքի դիմաց վարձատրություն է ու նման բողոքների էլ վերադասը չպետք է անդրադառնա և տնօրենին անհարկի այպանի;

Եզրակացություն, հարգելի ծնողնե՛ր, ես մնում եմ այն համոզման, որ մեր աշակերտների դաստիարակության կարևոր բաղադրիչ է իրենց դասասենյակներում մաքրություն պահպանելը,եթե համամիտ չեք, ուրեմն այդ աշխատանքի համար վճարեք»:

https://www.facebook.com/anahit.bakhshyan/posts/1891862550860697?__xts__[0]=68.ARDObh8c6nh4fpGylOVc0w3ichil5M8Qya2P47YZsNOKPvYNN8prSDacwZZ4a7GAlYbTBiYB-iz61Run1Cn5bfQ0N1WfsDkdW_sDEcO3iUh4XX5Gdh49WyC2SK3_R_5TwWO3dM3PAOytWxBOm5ZIEuAkLwjt7wu-VGF6L5c-cUFi2Dj_DQy_KA&__tn__=-R