Տպել
Ուորեն Բաֆեթը ամերիկացի բիզնես մագնատ և ներդրող է: Աշխարհի ամենահաջողակ ինվեստորն է և ամենահարուստ մարդկանցից մեկը:
- Ես բիզնեսմեն չեմ: Ես արվեստագետ եմ:
- Երբ 16 տարեկան էի, գլխումս միայն երկու միտք էր պտտվում՝ աղջիկներ և մեքենաներ: Աղջիկների հետ ամեն ինչ հարթ չէր, այնպես որ ինձ մնում էր բավարարվել մեքենաներով: Այնուամենայնիվ, աղջիկների մասին էլ էի մտածում, պարզապես մեքենաների դեպքում բախտս միշտ բերում էր:
- Միշտ իմացել եմ, որ հարուստ եմ լինելու: Ոչ մի վայրկյան չեմ կասկածել:
- Եթե մտել ես 1% կազմող ամենահաջողակ և հարուստ մարդկանց ցուցակը, քո պարտականությունն է մտածել մնացած 99 տոկոսի մասին:
- Ինչ-որ մեկն այսօր հանգստանում է ստվերում, որովհետև տարիներ առաջ այդտեղ ինչ-որ մեկը ծառ է տնկել:
- Մարդիկ միշտ քննարկում են անորոշ ժամանակների մասին: Բայց գիտեք, ես մտածում եմ, որ ժամանակը կարգավորված է: 2001 թվականի սեպտեմբերի 10-ին աշխարհում իսկապես անորոշություն էր: 1987 թվականի հոկտեմբերի 18-ին նույնպես (Օրեր, որոնց հաջորդել են ահաբեկությունները Նյու-Յորքում 2001 թվականի սեպտեմբերի 11-ին և ամերիկյան բոսրայի «սև» երկուշաբթին 1987 թվականի հոկտեմբերի 19-ին,- խմբ.) :
- Ուոլ-Սթրիթը երկրի վրա միակ վայրն է, որտեղ Ռոլս ռոյսերով եկած մարդիկ լսում են մետրոյով ժամանած մասնագետներին:
- Եթե գնում ես քեզ համար անկարևոր իրը, ապա շուտով կսկսես վաճառել այն, ինչ անհրաժեշտ է քեզ:
- Բոլոր անզգույշ ներդրողները պետք է սովորեն Բոբի Բերի երգից մի հատված (Քանթրի ոճի հայտնի կատարող,-խմբ.): Նա բացատրում է, թե ինչ կարող է ապագայում պատահել ձեր ձեռքբերումների հետ: «Երբեք չեմ քնել տգեղ կնոջ հետ, բայց արթնացել եմ մի քանիսի հետ»:
- Փորձում եմ ներդրումներ անել իդեալական ձեռնարկություններում, որոնք կարող է ղեկավարել նույնիսկ հիմարը: Վաղ, թե ուշ այդպես է լինելու։
- Լավ աշխատանք գտնելու որոնումն անընդհատ հետաձգելը և շարունակ տհաճ գործով զբաղվելը նույնն է, թե սեքսով սկսեք զբաղվել միայն թոշակի անցնելուց հետո։
Ամբողջությամբ՝ newmag.am
