Տպել
Սա ազատության իրավունքի խնդիր է, կառավարության դիմաց հայտարարեց ՀՀ ԿԳ նախարար Արայիկ Հարությունյանը՝ անդրադառնալով առևտրականների այն մտահոգությանը, որ ԿԳ նախարարի հայտարարությունից հետո իրենց առևտուրը վատացել է:
«Ես չեմ ասել, որ ծնողները չեն կարող գնել սև ու սպիտակ, ընդամենն ասել եմ, որ չի կարելի պարտադրել գնել սև ու սպիտակ: Ես բազմիցս պարզաբանել եմ, սա իրավունքի խնդիր է», – նշեց նախարարը:
Հիշեցնենք, որ այսօր առավոտից կառավարության շենքի դիմաց մի խումբ առևտրականներ բողոքի ակցիա են իրականացնում՝ պահանջելով վերանայել մաքազերծման գները: Նրանք նաև հայտարարել են, որ նախարարի կոչից հետո, համաձայն որի՝ դպրոցում սև ու սպիտակ համազգեստը պարտադրված չէ, իրենք վնասներ են կրել, քանի որ դպրոցի համար նախատեսված իրենց ներմուծած սև և սպիտակ հագուստը չի վաճառվել:
