Հանրապետությունում առաջիկա օրերին սպասվում է անձրև և ամպրոպ

Հանրապետության տարածքում՝ սեպտեմբերի 8-ին կեսօրից հետո շրջանների զգալի մասում, 9-ին՝ առանձին շրջաններում, 10-11-ին երեկոյան ժամերին հյուսիսային շրջաններում սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ: Ինչպես տեղեկացրին արտակարգ իրավիճակների նախարարությունից, սեպտեմբերի 12-13-ին սպասվում է առանց տեղումների եղանակ:

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 15-20 մ/վ: Օդի ջերմաստիճանն էապես չի փոխվի:

Երևանում՝ սեպտեմբերի 8-ի երեկոյան ժամերին քաղաքի առանձին հատվածներում սպասվում է կարճատև անձրև և ամպրոպ: 9-13-ին սպասվում է առանց տեղումների եղանակ: