Տպել
Չինաստանի Ցինհայի նահանգում գործարկվել է երկրում առաջին խոշոր կոմերցիոն արևային էլեկտրակայանը: Այդ մասին ասված է Չինաստանի ատոմային էներգետիկայի գլխավոր կորպորացիայի (CGN) հայտարարության մեջ: Կայանի գործարկումը, որի հզորությունը կազմում է 50 ՄՎտ, տեղի է ունեցել հոկտեմբերի 10-ին:
Նախագիծն ստացել է «Դելինհա» անվանումը ի պատիվ այն քաղաքի, որտեղ գտնվում է կայանը: Պլանավորվում է, որ այստեղ կարտադրեն տարեկան մինչև 200 միլիոն կվտ-ժամ էլեկտրաէներգիա: Նշվում է, որ ածխով աշխատող էլեկտրակայանում նույն ծավալի էլեկտրաէներգիա ստանալու համար կպահանջվեր այրել 60 հազար տոննա ածուխ, ինչը իր հերթին կբերեր մթնոլորտ 100 հազար տոննա ջերմոցային գազերի արտանետման: Կայանում տեղակայված է 250 հազար հայելի, իսկ հայելային մակերեւույթի ընդհանուր մակերեսը կազմում է 620 հազար քառակուսի մետր:
