Տպել
Պոեզիայի սիրահարները կարող են բանաստեղծություններ կարդալ Արագածի գագաթին։
Արագած լեռը մի քանի ժամով հարթակ կդառնա պոեզիայի բաց դաս անցկացնելու համար։ Այդ մասին հաղորդում են ակցիայի կազմակերպիչները Facebook-ի պաշտոնական էջում։
Արագած հանգած հրաբուխը Հայաստանի ամենաբարձր կետն է, ուստի կազմակերպիչներն այն հիանալի և ոգեշնչող տեղ են համարում ռուս կամ հայ բանաստեղծների սիրելի բանաստեղծությունները ռուսերենով ընթերցելու համար։ Լեռ կբարձրանան հոկտեմբերի 20-ին։
«Երթուղին սկսվում է Քարի լճից, որը գտնվում է 3200 մետր բարձրության վրա։ Արագածն ունի չորս գագաթ։ Պոեզիայի բաց դասը տեղի կունենա Հարավային գագաթին (3879 մետր), որտեղից հիանալի տեսարան է բացվում խառնարանի և մյուս երեք գագաթների վրա, լավ եղանակին կարելի է տեսնել փառահեղ Արարատը»,- հաղորդում են կազմակերպիչները։
Պոեզիայի սիրահարների համար ցուրտը խոչընդոտ չէ։ Գագաթ բարձրանալուց և տաք թեյ խմելուց հետո, գրող հրահանգիչ Ելենա Շուվաևա-Պետրոսյանը կանցկացնի պոեզիայի բաց դաս։
Լեռ բարձրանալու համար անհրաժեշտ է բարձր տրամադրություն, ֆիզիկական պատրաստվածություն, տաք հագուստ և ծովից 4 հազար մետր բարձրության վրա սիրելի բանաստեղծությունը ռուսերենով կարդալու ցանկություն։ Մասնակցությունն անվճար է։ Մասնակիցների թիվը սահմանափակ է։
