Տպել
Հայկական արմատներով ռուս թենիսիստ Կարեն Խաչանովը դարձել է Փարիզի «Մասթերսի» հաղթող:
Մրցաշարի եզրափակչում Խաչանովը առավելության է հասել Նովակ Ջոկովիչի նկատմամբ: 1 ժամ 38 րոպե տևած պայքարում Ռուսաստանը ներկայացնող մարզիկը հաղթել է 7:5, 6:4 հաշվով:
Խաչանովն 9 անգամ դարձել է էյսի հեղինակ, 2 կրկնակի սխալ է թույլ տվել ու 3 բրեյք փոինթ իրացրել:
Հայկական արմատներ ունեցող թենիսիստը կարիերայում նվաճում է 4-րդ տիտղոսը և 3-րդը` 2018 թվականին: Նախկինում նա դարձել էր հաղթող Չենդուի մրցաշարում (2016), Մարսելում և Մոսկվայում:
