Տպել
«Մենք ուզում ենք իմանալ՝ մեր կառավարությանը գիտություն պե՞տք է, թե՞ ոչ: Ցանկանում ենք իմանալ՝ անհրաժե՞շտ ենք երկրին, թե՞ ոչ: ԿԳ նախարարն անձամբ է եկել մեր կենտրոն և ասել, որ ավելի մանրամասն կծանոթանա մեր խնդրին և կպատասխանի, և մենք, ի վնաս մեզ, պատասխան ստացանք, որ կենտրոնի 2 մասնաշենք, և գործող արտադրության մի հատված 50 տարով վարձակալության է տալիս մեկ այլ կազմակերպության»,- կառավարության դիմաց ասում էին բողոքի ակցիա իրականցնող Օրգանական և դեղագործական քիմիայի գիտատեխնոլոգիական կենտրոնի գիտաշխատողները:
«Ասում են՝ դուք արդյունավետ չեք աշխատում և շատ դատարկ տարածքներ ունեք: Բայց մենք իրականում այդպիսի տարածքներ չունենք, իսկ այդ 2 մասնաշենքում գործող լաբորատորիաներ կան, որոնք մեզ պետք են: Իրենք էլ ասում են՝ խտացեք, օպտիմալացեք, բայց խտանալու տեղ չկա»,- բողոքում էին գիտաշխատողները:
