Աշխարհի լավագույն ավագ դպրոցը Հայաստանում է ու այն անվճար է. «Թարմ ուղեղով»՝ Վահագն Պողոսյանի հետ. lratvakan.am (տեսանյութ)
Advertisement 1000 x 90

Աշխարհի լավագույն ավագ դպրոցը Հայաստանում է ու այն անվճար է. «Թարմ ուղեղով»՝ Վահագն Պողոսյանի հետ. lratvakan.am

Իրական դպրոցը հանրակրթական և բուհական մակարդակների մեջտեղում գործող եզակի հաստատություն է, որտեղ մարդկանց սովորեցնում են ապրել՝ բառիս ամենալայն իմաստով, ու զարմանալի չէ, որ դպրոցի 14-15 տարեկան սաներից ոմանք իրենց ծնողներից արդեն ավելի շատ են վաստակում: Ինժեներական ուղղվածության այս դպրոցում երեխաները գնահատականներ ստանում են ոչ այդքան դաս պատասխանելու համար, որքան «մեծական» խնդիր լուծելու:

2-րդ կուրսեցիներն, օրինակ, այս պահին գրում են ՀՀ էլեկտրոնային կառավարման ծրագրի շրջանակներում երկրում ներդրվելիք «Վինդոուսի» այլընտրանք օպերացիոն համակարգը: Դպրոցի տնօրենն անօդաչու սարքեր ու էլի ինչ ասես արտադրող ու տարեկան 4-5 միլիոն դոլար շրջանառությամբ «Ինստիգեյթ» ընկերության ղեկավար Վահագն Պողոսյանն է, ով կարծում է, որ եթե ինքը ժամանակին նման կրթություն ստացած լիներ, այսօր ոչ թե 250, այլ գուցե 25 000 մարդու գործատու կլիներ, իսկ հասույթները ոչ թե միլիոններով, այլ միլիարդներով կչափեր: Այնպես որ մեծ, շատ մեծ խնդրանք՝ ուղարկեք այս հաղորդման հղումը 8-9-րդ դասարանցի երեխաներ ունեցող ձեր բոլոր ընկերներին ու բարեկամներին: Գուցե փոխեք ինչ-որ մեկի կյանքը:

lratvakan.am



Նման նյութեր