Առաջիկա օրերին կիմանաք. Արթուր Վանեցյանը՝ կոռուպցիոն սկանդալի մեջ ներքաշված պատգամավորի ինքնության մասին. tert.am
Advertisement 1000 x 90

Առաջիկա օրերին կիմանաք. Արթուր Վանեցյանը՝ կոռուպցիոն սկանդալի մեջ ներքաշված պատգամավորի ինքնության մասին. tert.am

Շուտով պարզ կլինի, առաջիկա օրերին կիմանաք: Լրագրողների հետ ճեպազրույցում ասաց ԱԱԾ տնօրեն Արթուր Վանեցյանը՝ անդրադառնալով հարցին, երբ արդյոք հայտնի է, թե ում մասին էր խոսում ՀՀ վարչապետի պաշտոնակատարը՝ ասելով, որ պատգամավորներից մեկը մեծ կոռուպցիոն սկանդալի մեջ է ներքաշված եղել:

Հիշեցնենք, որ հոկտեմբերի 24-ին Ազգային ժողովի նիստում Նիկոլ Փաշինյանը, անդրադառնալով կոռուպցիայի դեմ պայքարին, ասել էր, որ առաջիկայում պատգամավոր է կալանավորվելու՝ կաշառքի գործով։

Փաշինյանն անուն չէր տվել, բայց նշել էր, որ արդեն մի քանի ամիս է, ինչ օտարերկրյա դիվանագիտական ներկայացուցչությունից սպասում են կոնկրետ փաստաթղթի, որը հնարավորություն կտա իրականացնել կալանավորումը։

Անդրադառնալով իր ու ՀՔԾ պետի հեռախոսային խոսակցության գաղտնալսման փաստի առթիվ հարուցված քրեական գործի նորություններին՝  ԱԱԾ տնօրենն ասաց, որ այս պահին որևէ նորություն չի կարող հայտնել: «Քննչական կոմիտեում հարուցված քրգործն ընթանում է: Քննչական կոմիտեն պարզաբանումներ կտա»,- հավելեց նա:

Ամբողջությամբ՝ tert.am