Տպել
Իրավապաշտպան Արթուր Սաքունցը ֆեյսբուքյան իր էջում գրել է. «Ուրեմն ՊԵԿ-ի կողմից արտերկրում աշխատող անձանց եկամուտները հարկելու վերաբերյալ մի կարևոր հանգամանք պետք է նկատի ունենան նախագծի հեղինակները: Պետությունը տարիներով չի ապահովել անհրաժեշտ պայմաններ տնտեսական գործունեության համար, աշխատաշուկայով չի կարողացել զբաղվել, սոցիալական ապահովության հարցերով չի կարողացել արդյունավետ զբաղվել: Այսինքն չի կատարել իր պարտավորությունները քաղաքացու առջև, այն է չի ապահովել աշխատանքի ընտրության և աշխատանքի իրավունքների իրականացումը՝ արժանապատիվ կենսակերպի ապահովման համար:
Եվ պետության նշված պարտավորությունների չկատարման արդյունքում մարդիկ ստիպված են եղել արտագաղթել, արտագնա աշխատանքի մեկնել պետության կողմից պարտավորությունների չկատարման հետևանքով սովի չմատնվելու, իրենց ընտանիքի կարիքները հոգալու նպատակով, այսինքն իրենց վրա են վերցրել պետության պարտավորությունների կատարման մի ամբողջ ծավալ, այսքանից հետո, այդ ի՞նչ հիմնավորմամբ եք պետության չկատարած պարտավորությունների կատարման համար քաղաքացու նկատմամբ հարկային պարտավորություն սահմանում:
Ձեր տրամաբանության հետ ինչ-որ բան այնպես չէ, չե՞ք կարծում:
Ի դեպ, այս նախագիծը դեռ Սերժ Սարգսյանի իշխանության ժամանակ էր առաջարկվում, որից հրաժարվեցին: Նոր իշխանության պայմաններում մեռած ու անհիմն նախագծերի վերակենդանացումն ի՞նչ նպատակ է հետապնդում, զբաղմունք չունեք, թե չգիտեք` ինչով զբաղվել, թե չեք հասկացել, որ իսկապես իրավիճակ է փոխվել, թե համառորեն փորձում եք համոզել, որ չի փոխվել…
Ուրեմն իմացեք` փոխվել է իրավիճակը, և պետք է գործեք փոխված իրավիճակի տրամաբանությունից ելնելով և մտածեք քաղաքացիների հանդեպ չկատարված պետության պարտավորությունների կատարման ուղղությամբ, ոչ թե դեռ այդ խնդիրը չլուծած, նոր հարկային բեռ ավելացնել չկատարված պարտավորությունները կատարելու նախաձեռնության նկատմամբ:
Չեք կարողանում հասկանալ, ուրեմն հեռացեք, դիմում գրեք դուրս եկեք: Չմտահոգվեք. առանց Ձեզ ՊԵԿ-ը չի կործանվի»:
Ուրեմն ՊԵԿ-ի կողմից արտերկրում աշխատող անձանց եկամուտները հարկելու վերաբերյալ մի կարևոր հանգամանք պետք է նկատի ունենան…
Gepostet von Artur Sakunts am Montag, 19. November 2018
